Samkvæmt CIA eru 62,342 Íslendingar hæfir til herþjónustu!

Ég var að leita að upplýsingum á vefnum og fann þá heimasíðu CIA, þar er að finna mikið af upplýsingum um öll lönd jarðar.  Meðal annars er kafli um Ísland, það er fróðlegt að sjá hvernig þeir taka upplýsingarnar saman og hvaða upplýsingar þeim finnst merkilegar.  En blessuð smellið bara hérna til þess að skoða sjálf.

Meiriháttar góð frétt.

Nú er það spurninginn.  Hversu örugg og góð er greiningin hjá Glitni?  Er hægt að treysta þessu?  Ef svo er þá eru þetta meiriháttar góðar fréttir fyrir mína viðskiptavini.  Þar sem ég sel fasteignir í Flórída og um það bil 20% verðlækkun í viðbót við aðrar lækkanir á markaðnum, yrði meirháttar ávinningur fyrir mína viðskiptavini.  Nú er bara að vona að Glitnir hafi rétt fyrir sér.  Einnig má benda á að þó að merki sjáist um að markaðurinn hérna er aðeins farinn að rétta úr kútnum, þá er nokkuð öruggt að hann verður ekki búinn að jafna sig í haust.  Það má búast við að finna mjög góð kaup allt þetta á og framá næsta ár, að minnsta kosti.  Með því að smella hér getið þið litið á fréttabréfið mitt um að markaðurinn í Flórida er aðeins að sýna viðbrögð til hins betra. 

Glitnir spáir frekari stýrivaxtahækkun

Að fjárfesta í tímasprengju!

Það er mikið um að Íslendingar fjárfesti í húseignum í Flórída, sumir til þess að flýja veturinn og veðrið á Íslandi aðrir sem hreina fjárfestingu.  Margir af þessum löndum okkar leigja síðan út húsin þegar þeir eru ekki að nota þau, leigan hjálpar við rekstrakostnað og afborgun af lánunum.  Það sem furðar mig er að stór hópur af þessum fjárfestum leyfir sér svo að leigja húsin út án nokkurra heimilda og í andstöðu við skipulag.   Hér í Flórída er skýrt tekið fram í skipulagi hverfanna hvað er heimilt og hvað ekki, jafnframt eru svipuð ákvæði í lögum húseigendafélaganna í hverfunum.  Frístundabyggð eða “Zoned for Short Term Rental” eru hverfi sem leyfa skammtímaleigu, skammtímaleiga er skilgreind sem leigutími sem er styttri en sex mánuðir.  Svo er það sú staðreynd að það þarf heimild frá sýslunni og fylkinu til þess að reka gistiheimil í Flórída ásamt því að það leggst söluskattur og hótelskattur ofaná alla gistingu hérna. 

Að sleppa því að skrá eignina og skila af henni gjöldum er eins og þú sért að fjárfesta í TÍMASPRENGJU það er bara tímaspursmál þangað til að einhver kvartar yfir misnotkun á eigninni eða að þú lendir í skoðun hjá skattinum.  Ef þú lendir í höndunum á yfirvöldum mátt þú vera viss um að eignin verður sett að veði þangað til þeir verða ánægðir og hvað varð þá um fjárfestinguna þína.  Við hjá Víkingasveitinni leggjum mikla áherslu á að viðskiptavinir okkar njóti eignanna sem við aðstoðum þá við að kaup, meðal annars með því að tryggja að hverfin sem þeir kaupa í leyfa þá notkun sem þeir eru að hugsa um og að fjárfestingin sé eins örugg og mögulegt er.  Aftur á móti höfum við lent í því að viðskiptavinir sem vildu og ætluðu sér að vinna ólögleg, gufuðu upp eftir að við létum þá vita að við myndum óska eftir því að þeir undirrituðu yfirlýsingu þess efnis að við hefðum upplýst þá um notkunar heimildir í hverfinu.  Ástæðan fyrir svona yfirlýsingu er að tryggja að ekki verði sagt um okkur að við hefðum sagt að þetta væri í lagi.  

Ef þið hafið áhuga á að vita meira um þessi mál þá getið þið smellt hér.   

Að fá greitt fyrir að nota þjónustu!

Ykkur finnst þetta eflaust hljóma afar ótrúlega en svona er nú markaðurinn hérna í Flórida í dag.  Byggingaraðilar keppast um hylli okkar fasteignasalanna og bjóða okkur allskonar bónusa ofan á hefðbundin umboðslaun.  Síðan ég hóf starf sem fasteignasali árið 2000 hafa umboðslaun að jafnaði verið í kringum 3% fyrir að koma með kaupanda, í dag er hæsta tilboðið 8% umboðslaun og 30,000 USD bónus til mín.  Með framangreindu tilboði fær kaupandinn 50,000 til 70,000 USD afslátt ásamt 6,000 USD upp í kostnað.  Lægsta tilboðið í dag er 3% umboðslaun og 3,000 USD bónus.  Eins og við öll vitum koma umboðslaunin úr verði eignarinnar og eru í raun greidd af kaupandanum þó svo að byggingaraðilinn sé að bjóða okkur þessar greiðslur.  Þess vegna hef ég ákveðið að endurgreiða stórann hluta og í mörgum tilfellum allar umframgreiðslur til kaupandans.  Sem dæmi þá fengu Sigurvin og Sonja 23,760 USD endurgreitt, Ingólfur og Margrét fengu 3,000 USD.  Þetta á eingöngu við ef keyptar eru nýjar eignir beint frá byggingaraðila, hús í endursölu eru flest með hin hefðbundnu umboðslaun.  Ef við skoðum hvað veldur þessum tilboðum byggingaraðilanna þá er það augljóst að lágt gengi dollars og hátt gengi Evrópu gjaldmiðla, hefur skekkt verðskin svo mikið að þetta er hægt.  Ef þið eruð að hugsa um kaup á fasteign í Flórida munið að spyrja um alla hluti áður en þið veljið fasteignasala til þess að vinna með.